Dharma Wacana Bahasa Bali

I I Nasional Pdf Free Download

darma wacana bahasa bali

Dharma Wacana

Nyanggra Piodalan Saraswati

Matur suksma antuk galah sane kepaicain ring dewek titiang.

Inggih, nawegang titiang majeng ring :

§ Bapak guru sane wangiang titiang.

§ Para sisya sane tresnaasihin titiang.

Pinih ajeng ngiring nyinahang rasa angayu bagia majeng ring Ida Sang Hyang Widhi Widhi duaning sangkaning pasuecan ida, titiang sareng ida dane prasida memangguh kerahayuan sekadi mangkin, antuk punika lugrayang titiang ngaturang panganjali,

Om Swastyastu

Ida dane sareng sami sane wangiang titiang

Rasa liang manah titiang mangkin duaning kepaice galah jagi matur akedik nganinin indik “Nyangra Piodalan Saraswati”. Manut sekadi baos sang meraga, umat Hindu wantah astiti bakti majeng ring Sang Hyang Widhi, sinalih tunggil sane keangken pinaka dewa pencipta ilmu pengetahuan, wantah Dewi Saraswati.

Sekadi sane sampun kauningin, umat hindune nyangra piodalan saraswatiwantah ngenem sasih apisan, ring rahina saniscara umanis watugunung. Rahina punika lumrah kebaos “Rahina Saraswati”. Ring rahina punika umat hindune sareng sami ngemargiang pamuspan Saraswati, maktiin Ida Sang Hyang Widhi sane maperagayan Dewi Cantik, pinaka sakti Bhatara Brahma. Nglan tur raris mejagra ngewacen sastra-sastra agamane. Punika pinaka cihna iraga sampun siaga melajahang raga mangda prasida dados jatma sane dueg, tur wicaksana.

Ida dane sareng sami sane kasumayang titiang

Tetujon nyangra rahina piodalan Saraswati boya wenten tios wantah ngaturang suksma ring Ida Sang Hyang Widhi, utaman ipun majeng ring Dewi Saraswati, riantuk ledang mepaica kadyegan ring iraga sareng sami. Riantukan keduegane punika utama pisan kawigunnnyane ring kauripan. Ring “Sarasamuscaya” kebaosang, anake sane nenten madue keduegan tan bina sekadi anak buta. Asapunika kocap laran kayun anake sane nenten madue kaduegan. Taler kabaosang musuh i manusa sane utama wantah kebelogan. Wenten sastra sane siosan maosang, mungguing kawit suka dukane wantah kebelogan, kebelogan punika pesu saking kalobaan, loba punika pesu saking kebelogan. Dadosnyane, wantah kebelogan ngaenang manusa sengsara.

Ida dane semeton sami sane tersnasihin titiang

Maosang indik agama, tan prasida lempas saking Tri Kerangka Agama, inggih punika sane kebaos Tattwa, Susila, lan Upakara. Upacarane punika kocap cihnan anake meagama. Minakadi upacara piodalan Saraswati. Semengane iraga mebakti ring Ida Sang Hyang Widhi pinaka utpati utawi pencipta ilmu pengetahuan, wengine kelanturang antuk ngwacen lan maosang daging sastra agama, raris benjang semengane mebanyu pinaruh, saha nunas tirta kaweruhan.

Ida dane sareng sami sane baktiin titiang

Wantah asapunika titiang prasida mahbahang atur galahe sane becik puniki, matur suksma antuk uratian Ida Dane sareng sami. Maka kirang langkung atur titiang, lugrayang titiang ngalungsur sinampura. Dumogi napi sane aturang titiang wenten pikeneh ipun. Puputan titiang antuk parama santih.

Om Santih, Santih, Santih, Om